rokhan

روښان

روښان

عادت شوی یم/دعلم ګل سحر نوی غزل

26.10.2009 06:29

 

 

علم ګل سحر

 

                  عادت شوی

 

اوس په دې مالت کې زه بې یاره عادت شوی یم

یاره خپه نه شــې ستا لپاره عادت شوی یم

دلته مې اوس یار نشـته کلونه دي،اوښتي خو

هر ماښام راځمـه په دې لاره عادت شوی یم

وګورمه ښکلو ته ، بیا ژر جومات ته ولاړ شمه

زه له وړکتوبـــه ښه دیندار عادت شوی یم

پیتاوي ته به کینمه او سیوري ته به پریوزمه

زه د هر پښتون غوندې بیــکاره عادت شوی یم

راځې که نه راځې زه درته هم سترګې په لار نه یم

اوس  نوله خزان ســره بهـاره عادت شوی یم

                                  

                                        

                                          ۱۷/ ۱۱/ ۱۳۸۷

                                      کابل – پښتونستان واټ